![Perurohet ura e re ne Zall Bastar, shkurton distancen me Tiranen ne 15 minuta Perurohet ura e re ne Zall Bastar, shkurton distancen me Tiranen ne 15 minuta](images/news/ura zall bastar tirana distanca.jpg)
Projektligji i ri: Ndermjetesit e pasurive te paluajtshme do pajisen me licence
Ndërmjetësit e pasurive të paluajtshme janë një profesion që nuk rregullohen me ligj të dedikuar si profesionet e tjera të lira, por kjo pritet të ndryshojë.
Në një projektligj të dedikuar Ministria e Drejtësisë ka sanksionuar se për herë të parë këta ndërmjetës do të regjistrohen në një regjistër të dedikuar. Ministria do të jetë institucioni që administron regjistrin publik të ndërmjetësve të pasurive të paluajtshme si dhe regjistrin unik të të dhënave për zyrat e ndërmjetësimit të pasurive të paluajtshme dhe ndërmjetësit e pasurive të paluajtshme.“Regjistri publik i ndërmjetësve të pasurive të paluajtshme krijohet, mirëmbahet dhe përditësohet në format të integruar manual dhe elektronik nga strukturat përgjegjëse të ministrisë.
Ky regjistër përmban të dhënat publike si vijon: a) identiteti; b) vendbanimi; c) numri i licencës; ç) data e fillimit të veprimtarisë si ndërmjetës i pasurive të paluajtshme; d) Numri Unik të Identifikimit të Subjektit (NUIS); dh) adresa e vendit, ku zhvillon veprimtarinë si ndërmjetës i pasurive të paluajtshme” thuhet në projektligj.
Ndërmjetësit do të licencohen në bazë të kushteve
Draft ligji parashikon që ndërmjetësit e pasurive të paluajtshme duhet të plotësojnë disa kushte për t’u licencuar në këtë aktivitet. Janë të paktën 10 kushte që nisin nga shtetësia, zotësia juridike për të vepruar, mosdënimi me vendim gjyqësor të formës së prerë, mos ketë kryer vepra penale si pastrim parash që cenojnë integritetin. Të ketë përfunduar arsimin e mesëm ose të lartë. Por projektligji parashikon që të drejtën për t’u licencuar si ndërmjetës i pasurive të paluajtshme e ka edhe çdo shtetas i huaj që plotëson kushtet e parashikuara dhe që vërteton zotërimin e gjuhës shqipe me anë të një dokumenti të lëshuar nga autoritetet kompetente, sipas legjislacionit në fuqi.
Tarifa e ndërmjetësimit paguhet vetëm pas nënshkrimit të kontratës
Një pikë e rëndësishme në projektligj është ajo mbi tarifën e ndërmjetësimit ku në nenin 21 thuhet se tarifa e ndërmjetësimit përcaktohet në kontratën e ndërmjetësimit të pasurive të paluajtshme. “Ndërmjetësi ka të drejtën të shpërblehet kur kontrata e ndërmjetësimit sjell efektet e veta, pavarësisht nga ndodhitë e mëvonshme të saj. Ndërmjetësi nuk mund të kërkojë pagesa të pjesshme të tarifës paraprakisht, pra përpara lidhjes së kontratës. Shpenzimet e shërbimeve shtesë që lidhen me punën që është objekt i ndërmjetësimit mund të ngarkohen nga ndërmjetësi në shumën e shpenzimeve aktuale, vetëm me pëlqimin midis ndërmjetësit dhe klientit” thuhet në draft.
Programi i detyrueshëm i trajnimit
Në nenin 10 të projektligjit sillet në vëmendje edhe një program i detyrueshëm i trajnimit për kandidatët për ndërmjetës të pasurive të paluajtshme, që ka si qëllim aftësimin e tyre me njohuritë e duhura profesionale dhe veçanërisht për të raportuar transaksionet e dyshimta me pasuritë e paluajtshme, të cilat mund të kenë si qëllim realizimin e pastrimit të parave, sipas legjislacionit përkatës.
“Programi i detyrueshëm i trajnimit realizohet nga Shkolla Shqiptare e Administratës Publike në bashkëpunim me Drejtorinë e Përgjithshme të Parandalimit dhe të Pastrimit të Parave. Programi i detyrueshëm i trajnimit mund të realizohet edhe nga institucione të arsimit të lartë, të akredituara sipas ligjit, pas miratimit nga Ministri. Programi i detyrueshëm i trajnimit kryhet përpara paraqitjes së kërkesës për pjesëmarrjen në provimin e kualifikimit” përcaktohet në projektligj./Burimi: Monitor
Më të lexuarat
![Perurohet ura e re ne Zall Bastar, shkurton distancen me Tiranen ne 15 minuta Perurohet ura e re ne Zall Bastar, shkurton distancen me Tiranen ne 15 minuta](images/news/ura zall bastar tirana distanca.jpg)
![Kursi i kembimit, euro prek nje minimum te ri historik Kursi i kembimit, euro prek nje minimum te ri historik](images/news/euro kursi kembimit minimim i ri historik.jpg)
![Cmimet i rikthehen rritjes ne maj, per here te pare gjate ketij viti Cmimet i rikthehen rritjes ne maj, per here te pare gjate ketij viti](images/news/inflacioni maj 2024 rritje.jpg)
![788 mln euro nga turizmi ne 3 mujor, por nje i huaj shpenzoi me pak se vjet 788 mln euro nga turizmi ne 3 mujor, por nje i huaj shpenzoi me pak se vjet](images/news/instat turiste te ardhura shpenzime raporti.jpg)
![Rishikohet buxheti, rrogat e reja te administrates miratohen kete muaj Rishikohet buxheti, rrogat e reja te administrates miratohen kete muaj](images/news/paga administrate qershor rritje buxheti.jpg)
![Zgjedhjet europiane, perparon e djathta ekstreme, EPP merr shumicen e votave Zgjedhjet europiane, perparon e djathta ekstreme, EPP merr shumicen e votave](images/news/zgjedhjet europiane partite e djathta ekstreme.jpg)
![Sot provimi i dyte, 28 mije maturante i nenshtrohen provimit te Gjuhes Shqipe dhe Letersise Sot provimi i dyte, 28 mije maturante i nenshtrohen provimit te Gjuhes Shqipe dhe Letersise](images/news/matura provimi dyte gjuhe letersi.jpg)
![Raporti: Cmimet e larta te pronave, shkak pastrimi i parave dhe investimi ne shtepi bosh Raporti: Cmimet e larta te pronave, shkak pastrimi i parave dhe investimi ne shtepi bosh](images/news/prona cmime te larta raporti shqiperi.jpg)
![Sot protesta e opozites para bashkise se Tiranes, rruget qe bllokohen Sot protesta e opozites para bashkise se Tiranes, rruget qe bllokohen](images/news/policia protesta plan masazh rruget.jpg)
![2023, rreth 15 mije persona te punesuar online ne Shqiperi 2023, rreth 15 mije persona te punesuar online ne Shqiperi](images/news/puna online shtepi raporti.jpg)